"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 431
Dövlət Komitəsində BMT-nin Azərbaycandakı nümayəndəliyinə yeni təyin olunmuş rezident əlaqələndirici ilə görüş olub
Görüşlər 30 Sentyabr, 2021

Sentyabrın 30-da Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev BMT-nin Azərbaycandakı nümayəndəliyinin yeni təyin olunmuş rəhbəri, rezident əlaqələndirici xanım Vladanka Andreyeva ilə görüşüb.

 

Vladanka Andreyevanı ölkəmizdə yeni və vacib vəzifədə fəaliyyətə başlaması münasibətilə təbrik edən Dövlət Komitəsinin sədri ona işlərində uğurlar arzulayıb.

 

Məlumat verilib ki, Prezident İlham Əliyev məcburi köçkünlərin problemlərinin həllini sosial siyasətin prioritet istiqamətlərindən biri kimi müəyyən edib. Məcburi köçkünlərin təhsil, sağlamlıq problemlərinin həllinə Birinci vitse-prezident xanım Mehriban Əliyeva da xüsusi diqqət və qayğı göstərir, bu sahədə mühüm işlər görür. Həmçinin qeyd edilib ki, Ermənistanla Azərbaycan arasındakı keçmiş münaqişənin ilk illərində ümummilli lider Heydər Əliyevin müraciəti əsasında beynəlxalq təşkilatların, eləcə də BMT təsisatlarının yardımı nəticəsində ölkəmizdə humanitar fəlakətin qarşısı alınıb.

 

Ölkəmizlə BMT və onun qurumları arasındakı uzun illərə söykənən münasibətlərin uğurlu nəticələrindən danışılarkən birgə əməkdaşlıq sahəsində bundan sonra da səmərəli iş aparılacağına inam ifadə olunub. Bildirilib ki, ötən ilin payızında Ermənistanın işğalına son qoymaqla Azərbaycan həm də BMT-nin məlum qətnamələrini icra edib. Müharibənin başa çatmasından sonra işğaldan azad edilmiş ərazilərdə aparılan bərpa-quruculuq işlərindən də ətraflı bəhs olunub. Məcburi köçkünlərin könüllü və təhlükəsiz şəraitdə, ləyaqətlə doğma yurda qayıdışını təmin etmək məqsədi ilə həmin ərazilərin minalardan və partlayıcı qalıqlardan təmizlənməsinin vacibliyi qeyd olunub. Diqqətə çatdırılıb ki, Ermənistanın minalanmış ərazilərin müfəssəl xəritəsini verməkdən imtina etməsi prosesin uzanmasına və insan itkilərinə səbəb olur. Vurğulanıb ki, işğaldan azad edilmiş ərazilərdə müasir infrastruktur qurulacaq, məcburi köçkünlər üçün müvəqqəti məskunlaşdıqları şəhər və rayonlarda olduğundan da gözəl qəsəbələr salınacaq. Qayıdış prosesində beynəlxalq təşkilatlarla əməkdaşlıq, BMT təsisatları ilə birgə fəaliyyət  mühüm əhəmiyyət kəsb edir.

 

BMT-nin rezident əlaqələndiricisi Vladanka Andreyeva səmimi qəbula görə təşəkkürünü bildirib. Qeyd edilib ki, BMT təsisatlarının Dövlət Komitəsi ilə əməkdaşlığı 20 ildən çoxdur davam edir: “İnanırıq ki, əməkdaşlıq bundan sonra da yüksək səviyyədə davam edəcək. İlk təcrübə kimi Kosovada məcburi köçkünlərə işləmişəm. Buna görə də məcburi köçkün problemləri mənə çox tanışdır. Xüsusilə qeyd etmək istərdim ki, Azərbaycanda işğaldan azad olunmuş ərazilərdə görülən işlər insanı valeh edir”.

 

Vladanka Andreyeva  həmçinin bildirib ki, mina xəritələri ilə bağlı məsələlər barədə məlumatlıdır və məsələ BMT Təhlükəsizlik Şurası səviyyəsində qaldırılıb.

 

Sonda repatriasiya və reinteqrasiya məsələləri ilə bağlı fikir mübadiləsi aparılıb.

 

Dövlət Komitəsinin sədri Vladanka Andreyevanı bərpa-quruculuq işləri ilə tanış olmaq üçün işğaldan azad edilmiş ərazilərə səfərə dəvət edib.

10 May, 2022 / Görüşlər Dövlət Komitəsinin sədri vətəndaşları qəbul edib
06 May, 2022 / Görüşlər Məcburi köçkünlərin qayıdışı və prosesə hazırlıq mövzusunda görüş keçirilib
26 Aprel, 2022 / Görüşlər Dövlət Komitəsinin sədri vətəndaşları qəbul edib
19 Aprel, 2022 / Görüşlər Dövlət Komitəsinin sədri vətəndaşları qəbul edib
14 Aprel, 2022 / Görüşlər Dövlət Komitəsində görüş keçirilib
13 Aprel, 2022 / Görüşlər Uzun müddətli məcburi köçkünlük və həsrətlə gözlənilən Qayıdış mövzusunda mühazirə deyilib
12 Aprel, 2022 / Görüşlər Dövlət Komitəsində vətəndaşların növbəti qəbulu keçirilib
08 Aprel, 2022 / Görüşlər Dövlət Komitəsinin sədri Biləsuvarda vətəndaşları qəbul edib
05 Aprel, 2022 / Görüşlər Dövlət Komitəsində vətəndaşların qəbulu keçirilib
29 Mart, 2022 / Görüşlər Dövlət Komitəsində almaniyalı beynəlxalq hüquq mütəxəssisi ilə görüş olub
15 Mart, 2022 / Görüşlər Dövlət Komitəsinin sədri BMT, Dünya Bankı və Avropa İttifaqının birgə qiymətləndirmə missiyasının ekspertləri ilə görüşüb
14 Mart, 2022 / Görüşlər Dövlət Komitəsinin sədri Goranboyda vətəndaşları qəbul edib
11 Mart, 2022 / Görüşlər Dövlət Komitəsində IFRC-nin nümayəndələri ilə görüş keçirilib
04 Mart, 2022 / Görüşlər Dövlət Komitəsində BMT-nin Kapitalın İnkişafı Fondunun nümayəndələri ilə görüş olub
16 Fevral, 2022 / Görüşlər Dövlət Komitəsində görüş keçirilib
01 Fevral, 2022 / Görüşlər Dövlət Komitəsində fransalı tarixçi ilə görüş olub
08 Dekabr, 2021 / Görüşlər Dövlət Komitəsində Böyük Britaniyadan gəlmiş analitiklərlə görüş olub
07 Dekabr, 2021 / Görüşlər Dövlət Komitəsinin sədri Beynəlxalq Qızıl Xaç və Qızıl Aypara Cəmiyyətləri Federasiyasının Baş katibi ilə görüşüb
30 Noyabr, 2021 / Görüşlər Dövlət Komitəsində BMqT-nin Cenevrədəki Baş Qərargahının departament direktoru ilə görüş olub
25 Noyabr, 2021 / Görüşlər Dövlət Komitəsində görüş keçirilib