"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 657
Qarabağ qazisi diaspor təşkilatlarının toplantısında iştirak edib
Mətbuat xidmətinin məlumatı 01 İyul, 2021

“Dünyanın müxtəlif yerlərində yaşayan, xalqımızın müqəddəs amalları, azərbaycançılıq və müstəqil dövlətçilik ideyaları ətrafında birləşmiş soydaşlarımızla, həmvətənlərimizlə müzəffər ordumuz, mübariz silahlı qüvvələrimiz üçün əlamətdar olan bir gündə görüşmək məndə böyük sevinc və qürur hissi doğurdu. İştirakçısı olduğum 44 günlük Vətən müharibəsindəki möhtəşəm Zəfərimiz münasibətilə onların hər birindən eşitdiyim təbriklər bütün ağrı-acılarımı unutdurdu. Möhtərəm Prezidentimiz, müzəffər sərkərdəmiz cənab İlham Əliyevin rəhbərliyi ilə doğma yurdumun işğaldan azad edilməsi uğrunda döyüşlərdə oğlumla birlikdə iştirakımdan fəxarət duyuram. Qələbəmiz bütün dünya azərbaycanlıları üçün misilsiz nailiyyətdir”. Bu sözləri Azərbaycan Respublikası Diasporla İş üzrə Dövlət Komitəsinin təşəbbüsü və təşkilatçılığı ilə xaricdəki Azərbaycan Evlərinin və Azərbaycanlıların Koordinasiya Şuralarının iyunun 26-da Türkiyənin İstanbul şəhərində keçirilmiş birgə toplantısının qonağı olan Füzuli rayonundan məcburi köçkün, birinci və ikinci Qarabağ müharibələrinin veteranı, hərbi təqaüdçü Adil Quliyev deyib.  O, ötən ilin oktyabrında Füzuli uğrunda döyüşlərdə aldığı ağır qəlpə yarasının müayinəsi və müalicəsi üçün “Yaşat” fondu tərəfindən qardaş ölkəyə göndərilib və İstanbuldakı “Avrasiya” klinikasına yerləşdirilib.

 

Diasporla İş üzrə Dövlət Komitəsinin rəhbərliyi toplantının keçirildiyi vaxt İstanbulda müalicədə olan azərbaycanlı hərbçilərin hər biri ilə əlaqə saxlayıb, onlarla görüşüb, səhhətlərindən xəbər tutub və hərəkət etmək imkanı olanların dünya azərbaycanılarının toplantısında qonaq qismində iştirakını təmin edib. Müzəffər ordumuzun qəhrəman qaziləri toplantı iştirakçıları tərəfindən alqışlarla qarşılanıblar, Silahlı Qüvvələr Günü münasibətilə səmimi təbrikləri qəbul ediblər. Bu diqqət və səmimi münasibətə görə komitənin rəhbərliyinə, diaspor hərəkatının fəallarına minnətdarlığını bildirən Adil Quliyev erməni faşizmi üzərində möhtəşəm qələbənin qazanılmasında Prezident, Müzəffər Ali Baş Komandan cənab İlham Əliyevin siyasi müdrikliyi və sərkərdəlik istedadı, rəşadətli ordumuzun yenilməz gücü və qəhrəman hərbçilərimizin hədsiz fədakarlığı ilə yanaşı, ümumxalq birliyinin, mili həmrəyliyin  həlledici amil olduğunu vurğulayıb. O deyib: “İstanbuldakı toplantıda Diasporla İş üzrə Dövlət Komitəsinin sədri Fuad Muradovun və diaspor fəallarının çıxışlarını maraqla dinlədim və bir daha əmin oldum ki, xaricdə yaşayan soydaşlarımız xalqımızın haqq səsini, dövlətimizin ədalətli mövqeyini son illərdə daha böyük mütəşəkkilliklə dünya ictimaiyyətinə çatdırıblar. Bu da erməni faşizminə qarşı mübarizədə dövlətimizə xaricdəki dostlarımızın güclü dəstəyini qazandırıb. İstanbuldakı toplantıda diaspor hərəkatının yeni inkişaf istiqamətləri müəyyənləşdirildi. Xüsusən, Şuşa Bəyannaməsinin Azərbaycan və Türkiyə diaspor təşkilatlarının birgə fəaliyyəti üçün möhkəm zəmin olduğu bildirildi”.

 

Məcburi köçkün qazi, həmçinin qeyd edib ki, xaricdə yaşayan azərbaycanlılar, diaspor təşkilatları və nümayəndələri bu ilin may ayı ərzində keçirilən “Yaşat” Xeyriyyə Marafonunda mütəşəkkil qaydada iştirak etməklə, şəhid ailələrinin, müharibə əlillərinin və veteranlarının yanında olduqlarını bir daha göstəriblər.

 

Xatırladaq ki, Adil Quliyev birinci Qarabağ müharibəsində əvvəlcə yerli özünümüdafiə dəstəsinin başçısı, sonra milli ordunun bölük komandiri kimi iştirak edib. 1993-cü ilin avqustunda ağır yaralanıb, müalicə olunduqdan sonra yenidən cəhbəyə qaydıb. 1994-cü il yanvarında ulu öndər Heydər Əliyevin rəhbrəliyi ilə ordumuzun apardığı uğurlu Horadiz əməliyyatının iştirakçısı olub. Həmin əməliyyat nəticəsində Füzuli rayonunun 24 yaşayış məntəqəsi işğaldan azad edilib. Atəşkəs dövründə də zabit kimi hərbi xidmətini davam etdirən Adil Quliyev 1996-cı ildə ordudan tərxis olunub. Bundan sonra ictimai fəal kimi cəmiyyətdə vətənpərvərlik və dövlətçiliyə sədaqət ruhunun möhkəmləndirilməsinə xidmət göstərib. “Məşəl” Əlil və Şəhid Ailələrinə Sosial Dəstək İctimai Birliyinin üzvüdür. İkinci Qarabağ müharibəsinin – 44 günlük Vətən müharibəsinin ilk günlərindən könüllü olaraq hərbi xidmətə qayıdıb,  54 yaşında yenidən erməni işğalçılarına qarşı döyüşlərdə iştirak edib və ağır yaralanıb. Daxili qoşunlarının zabiti olan oğlu baş leytenant Rüfət Quliyev də öz komandanlığına müraciət edərək döyüşən orduya göndərilməsini xahiş edib və xahişi yerinə yetirilib. O da doğma yurdunun işğaldan azad edilməsi uğrunda döyüşlərdə iştirak edib.

 

Dövlətimizin başçısı torpaqlarımızın işğaldan azad edilməsi uğrunda aparılmış döyüş əməliyyatlarında göstərdiyi şəxsi igidlik və şücaətə görə Adil Quliyevi Füzulinin və Qubadlının azad eilməsinə görə, həmçinin “Cəsur döyüşçü” medalları ilə təltif edib. Cəsur və vətənpərvər qazimizə tezliklə sağalmağı, işğaldan azad edilmiş doğma yurdun dirçəlişində iştirak etməyi arzulayırıq.

18 Yanvar, 2022 / Mətbuat xidmətinin məlumatı R.Ş.Rzayevin “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı
24 Dekabr, 2021 / Mətbuat xidmətinin məlumatı Məcburi köçkünlər Prezident İlham Əliyevi təbrik ediblər
23 Dekabr, 2021 / Mətbuat xidmətinin məlumatı Dövlət Komitəsi məcburi köçkünün mənzilini təmir edib
22 Dekabr, 2021 / Mətbuat xidmətinin məlumatı Qarabağ Dirçəliş Fondunun Müşahidə Şurasının iclası keçirilib
21 Dekabr, 2021 / Mətbuat xidmətinin məlumatı Qayıdışın və reinteqrasiyanın effektivliyini təmin etmək üçün yeni elektron idarəetmə sistemi yaradılır
10 Dekabr, 2021 / Mətbuat xidmətinin məlumatı Qarabağda Dirçəliş və Böyük Qayıdış haqqında gənc jurnalistlərə mühazirə oxunub
25 Noyabr, 2021 / Mətbuat xidmətinin məlumatı Mətbuat xidmətinin məlumatı
20 Noyabr, 2021 / Mətbuat xidmətinin məlumatı Keçmiş məcburi köçkünlərin qayıdış hüququnun təmin olunması regionun sabitliyi üçün olduqca vacibdir
11 Noyabr, 2021 / Mətbuat xidmətinin məlumatı Məcburi köçkün probleminin yeganə dayanıqlı həlli onların qayıdış hüququnun təminatı ilə bağlıdır
06 Noyabr, 2021 / Mətbuat xidmətinin məlumatı Dövlət qulluqçuları və diplomatlara məcburi köçkünlərlə bağlı həyata keçirilən dövlət siyasəti haqqında məlumat verilib
05 Noyabr, 2021 / Mətbuat xidmətinin məlumatı Dövlət Komitəsinin əməkdaşlarına təlim keçirilib
05 Noyabr, 2021 / Mətbuat xidmətinin məlumatı Mətbuat xidmətinin məlumatı
03 Noyabr, 2021 / Mətbuat xidmətinin məlumatı Mətbuat xidmətinin məlumatı
28 Oktyabr, 2021 / Mətbuat xidmətinin məlumatı II Televiziya Muğam müsabiqəsinin qalibi Güllü Muradova Zəfər haqqında fikir və düşüncələrini bölüşüb
26 Oktyabr, 2021 / Mətbuat xidmətinin məlumatı Dövlət Komitəsi məcburi köçkünlərin xatirələri barədə videoçarxlar hazırlayır
23 Oktyabr, 2021 / Mətbuat xidmətinin məlumatı Dövlət Komitəsinin sədr müavini diplomatlara mühazirə deyib
15 Oktyabr, 2021 / Mətbuat xidmətinin məlumatı Fuad Hüseynov: “20 ilə yaxın əməkdaşı olduğum təşkilatın Nobel mükafatı alması mənim üçün çox qürurvericidir”
09 Oktyabr, 2021 / Mətbuat xidmətinin məlumatı Məcburi köçkünlər onlara daim diqqət və qayğı göstərən dövlət başçısına minnətdardırlar
06 Oktyabr, 2021 / Mətbuat xidmətinin məlumatı Dövlət Komitəsinin sədr müavini BMT-nin Qaçqınlar üzrə Ali Komissarlığının İcraiyyə Komitəsinin 72-ci sessiyasında çıxış edib
01 Oktyabr, 2021 / Mətbuat xidmətinin məlumatı Məcburi köçkünlərlə bağlı keçirilən layihənin nəticələri ilə tanışlıq olub