"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 419
Dövlət Komitəsində Böyük Britaniya və Avstraliyadan olan nümayəndə heyəti qəbul edilib
Görüşlər 11 İyun, 2021

İyunun 11-də Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Böyük Britaniya və Avstraliyadan olan nümayəndə heyətini - Ros Corc Evans, Alban Martin Ceyms Nyuman və Pörsiy Mark Edvardanı qəbul edib.

 

Görüş zamanı komitə sədri Ermənistanın Azərbaycana qarşı təcavüzü, işğalçılıq, etnik təmizləmə, soyqırımı siyasəti haqqında ətraflı məlumat verib. Ermənilərin müxtəlif dövrlərdə tarixi Azərbaycan torpaqlarına köçürüldükləri, burada yerləşdirildikdən sonra ərazi iddiaları irəli sürərək, vaxtaşırı milli-etnik zəmində iğtişaşlar törətdikləri qeyd edilib. 1988-93-cü illərdə baş vermiş münaqişə nəticəsində bir milyondan çox azərbaycanlının öz yurdunu tərk edərək qaçqın və məcburi köçkün həyatı yaşamağa məcbur olduğu diqqətə çatdırılıb. Bu humanitar fəlakətin fəsadlarının aradan qalıdırılmasında Azərbaycan dövlətinə beynəlxalq təşkilatların da dəstək göstərdiyi bildirilib.

 

Komitə sədri 44 günlük Vətən müharibəsində Ermənistanın işğalından azad edilmiş ərazilərə məcburi köçkünlərin qayıdışına hazırlıq görülməsi barədə məlumat verib. Qeyd edilib ki, məcburi köçkünlərin mütləq əksəriyyəti tezliklə doğma yurda qayıtmaq arzusundadır. Beynəlxalq normalara uyğun olaraq, qayıdışın könüllülük prinsipi əsasında, təhlükəsiz şəraitdə və ləyaqətlə həyata keçirilməsi üçün Azərbaycan dövləti bütün zəruri tədbirləri görür. Bu sahədə əsas prioritet ərazilərin minalardan və partlayıcı qalıqlardan təmizlənməsidir. Ermənistanın minalanmış ərazilərin xəritəsini verməkdən imtina etməsi bu prosesi ləngidir, azərbaycanlı hərbçilər və mülki şəxslər arasında günbəgün artan tələfata səbəb olur. Beynəlxalq təşkilatlar minalanmış ərazilərin xəritəsinin verilməsi üçün Ermənistana təzyiq göstərməlidir.

 

Komitə sədri Böyük Britaniyanın Azərbaycanın azad edilmiş ərazilərinin minadan təmizlənməsi sahəsindəki fəaliyyətinə verdiyi dəstəyi vurğulayıb və buna görə təşəkkür edib.

 

Həmçinin, qaçqınlar və məcburi köçkünlərlə iş sahəsində həyata keçirilən dövlət siyasəti haqqında da qonaqlara məlumat verilib. Bildirilib ki, onların sosial problemlərinin həlli, mənzil-məişət şəraitinin yaxşılaşdırılması üçün Prezident İlham Əliyevin verdiyi tapşırıqlar icra olunub. Birinci vitse-prezident xanım Mehriban Əliyeva onların müraciətlərinə daim həssaslıqla yanaşıb. İndiyədək qaçqınlar və məcburi köçkünlər üçün 115 qəsəbə və yaşayış kompleksi salınıb, bu kateqoriyadan olan 300 mindən çox insan yeni mənzillərə köçürülüb. İşğaldan azad edilmiş ərazilərdə də onların layiqli həyat səviyyəsinin təmin edilməsi üçün zəruri tədbirlər görüləcək, “ağıllı kənd", “ağıllı şəhər”lər salınacaq.

 

Məcburi köçkünlərin qayıdışı ilə bağlı həyata keçirilən işlərə beynəlxalq təşkilatların cəlb edildiyi, onlarla əməkdaşlıq edildiyi də diqqətə çatdırılıb. Eyni zamanda vurğulanıb ki, dünyada tolerant ölkə kimi tanınan Azərbaycanda ermənilərin də vətəndaş hüquq və azadlıqlarından istifadə edərək digər millətlərin nümayəndələri ilə birgə dinc və təhlükəsiz yaşaması üçün şərait vardır.

 

Qonaqlar bildirib ki, ötən gün Azərbaycana səfər zamanı işğaldan azad edilmiş Ağdam şəhərində olublar. Oradakı mövcud vəziyyəti – dağıdılmış evlərin, kəndlərin, məktəblərin qalıqlarını öz gözləri ilə müşahidə ediblər.

 

Söhbət zamanı qarşılıqlı maraq doğuran digər məsələlər ətrafında fikir mübadiləsi aparılıb, qonaqları maraqlandıran suallar cavablandırılıb.

22 Sentyabr, 2021 / Görüşlər Dövlət Komitəsində ingiltərəli jurnalistlə görüş olub
20 Sentyabr, 2021 / Görüşlər Dövlət Komitəsində İsveç Krallığında fəaliyyət göstərən bir qrup jurnalistlə görüş keçirilib
25 Avqust, 2021 / Görüşlər Dövlət Komitəsində bir qrup əcnəbi jurnalistlə görüş olub
10 Avqust, 2021 / Görüşlər Dövlət Komitəsində israilli jurnalistlərlə görüş keçirilib
03 Avqust, 2021 / Görüşlər Dövlət Komitəsində Böyük Britaniyalı siyasətçi ilə görüş keçirilib
27 İyul, 2021 / Görüşlər Dövlət Komitəsində AŞPA nümayəndə heyəti ilə görüş keçirilib
27 İyul, 2021 / Görüşlər Dövlət Komitəsinin sədri fransalı jurnalistlərlə görüşüb
27 İyul, 2021 / Görüşlər Dövlət Komitəsində “Azİz”in rəhbəri ilə görüş keçirilib
23 İyul, 2021 / Görüşlər Dövlət Komitəsinin sədri Türkiyənin ölkəmizdə yeni fəaliyyətə başlayan səfiri ilə görüşüb
17 İyul, 2021 / Görüşlər Dövlət Komitəsində Türkiyədən gələn qonaqlarla görüş keçirilib
08 İyul, 2021 / Görüşlər Dövlət Komitəsində İsraildən gəlmiş qonaqlarla görüş olub
30 İyun, 2021 / Görüşlər İctimai Şuranın üzvləri məcburi köçkünlərlə görüşüblər
16 İyun, 2021 / Görüşlər Əfqanıstanlı diplomatlara Böyük Qayıdış haqqında məlumat verilib
16 İyun, 2021 / Görüşlər Zəngilanın Ağalı kənd sakinlərinin Qayıdışla bağlı təklifləri öyrənilib
14 İyun, 2021 / Görüşlər Dövlət Komitəsinin sədri Azərbaycanda səfərdə olan Böyük Britaniya nümayəndə heyəti ilə görüşüb
10 İyun, 2021 / Görüşlər Dövlət Komitəsində Avropa Komissiyasının eksperti ilə görüş keçirilib
09 İyun, 2021 / Görüşlər Dövlət Komitəsində BMT-nin rezident əlaqələndiricisi ilə görüş olub
09 İyun, 2021 / Görüşlər Məcburi köçkünlərin mütləq əksəriyyəti öz daimi yaşayış yerlərinə qayıtmaq niyyətindədir
03 İyun, 2021 / Görüşlər Dövlət Komitəsi yanında İctimai Şuranın üzvləri ilə görüş keçirilib
08 May, 2021 / Görüşlər İctimai Şuranın növbəti iclası keçirilib