"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 535
Avropa İttifaqı - Azərbaycan: məcburi köçkünlərin qayıdışı məsələləri də müzakirə edilib
Mətbuat xidmətinin məlumatı 30 Aprel, 2021

Avropa İttifaqı (Aİ) - Azərbaycan Ədliyyə, Azadlıq və Təhlükəsizlik, İnsan hüquqları və Demokratiya məsələləri üzrə Alt-Komitəsinin onlayn formatda 9-cu iclası keçirilib.

 

İclasda Qaçqınların və Məcburi Köçkünlərin İşləri üzrə Dövlət Komitəsinin Hüquq və kadrlar şöbəsinin müdiri Ziya Məmmədov təmsil edib. O, miqrasiya, sığınacaq və sərhəd idarəçiliyi mövzusunda keçirilən müzakirələrdə daxili yerdəyişmə məsələləri barədə çıxış edib. Qeyd olunub ki, 44 günlük Vətən Müharibəsində qazanılan möhtəşəm qələbə 30 ilə yaxındır davam edən münaqişənin həlli istiqamətində son nöqtəni qoydu. Münaqişənin başa çatması azərbaycanlı məcburi köçkünlərin tarixən xalqımıza məxsus olan torpaqlara, oradakı ata-baba yurdlarına qayıtmasına şərait yaradır.  10 noyabr 2020-ci il tarixli Bəyanat isə yüz minlərlə həmvətənimizin öz doğma yurduna qayıdışı üçün zəmin yaratmış oldu. Hazırda Azərbaycan dövləti qarşısında işğaldan azad olunmuş ərazilərin bərpasını, dayanıqlı inkişafını və məcburi köçkünlərin daimi yaşayış yerlərinə qayıdış və reinteqrasiyasını təmin etmək kimi şərəfli vəzifə durur. Bunun üçün artıq müvafiq addımlar atılır. Ərazilərin minalardan təmizlənməsi ilə bağlı proses sürətləndirilib, daha sonra dəymiş zərərin qiymətləndirilməsi həyata keçiriləcək. İnfrastrukturun qurulmasından sonra keçmiş məcburi köçkünlərin qayıdışı həyata keçiriləcək.

 

Bildirilib ki, komitədə məcburi köçkünlərin FİN-kod əsaslı Elektron Məlumat Bazası yaradılıb. Hazırda bazaya məcburi köçkünlərin peşəsi, iş yeri, məşğulluğu, sahibkarlıq fəaliyyəti və daimi yaşayış yerinə qayıdışla bağlı niyyəti barədə məlumatların daxil edilməsi məqsədilə Komitə tərəfindən müvafiq sorğu keçirilir. İşğaldan azad olunmuş ərazilərə qayıdış və reinteqrasiya prosesi zamanı vətəndaşların miqrasiyasının monitorinqini aparmaq üçün Elektron Məlumat Bazasının imkanlarından geniş istifadə olunacaqdır. 

 

Xüsusi ilə qeyd edilib ki, keçmiş məcburi köçkünlər dogma yurdlarının işğaldan azad edilməsini böyük sevinc hissi ilə qarşılayıb və geri qayıdışa hazırdır. Lakin onları narahat edən bəzi məqamlar var. Bunlardan biri təhlükəsizlik məsələsidir. Ermənistan tərəfinin minalanmış ərazilərin xəritəsini verməməsi insanların həyatı üçün təhlükə yaradır. Bundan başqa, işğaldan azad edilmiş ərazilərə səfər etmək imkanı qazanmış ailələr evlərinin, qohumlarının və yaxınlarının məzarını dağılmış şəkildə görür, bu da onları kədərləndirir. Mədəni irsin məhv edilməsi məqsədi ilə abidələrin dağıdılması və saxtalaşdırılması da, keçmiş məcburi köçkünlər tərəfindən təəssüflə qarşılanıb.

 

Qeyd edək ki, iclasa Azərbaycan tərəfindən xarici işlər nazirinin müavini Mahmud Məmməd-Quliyev, Aİ tərəfindən isə Avropa Xarici Fəaliyyət Xidmətinin Şərq Tərəfdaşlığı ölkələri ilə ikitərəfli münasibətlər şöbəsinin müdiri Riçard Tibbels həmsədrlik ediblər.

 

İclasın birinci günü tərəflər arasında insan hüquqları və demokratiya sahəsində mülki, iqtisadi, siyasi və sosial hüquqlar; insan hüquqlarının müdafiəsi üzrə milli çərçivə, eləcə də insan hüquqlarının müdafiəsi üzrə beynəlxalq forumlarda əməkdaşlıq məsələləri ətrafında müzakirələr aparılıb. Növbəti gün isə ədliyyə, azadlıq və təhlükəsizlik sahəsində bir sıra qarşılıqlı maraq doğuran məsələlər, o cümlədən qanunun aliliyi, məhkəmə hakimiyyəti və ədliyyə sahəsində əməkdaşlıq; miqrasiya, sığınacaq və sərhəd idarəçiliyi, habelə mütəşəkkil cinayətkarlıq və digər qanunsuz fəaliyyət növləri ilə mübarizə, məcburi köçkünlərin işğaldan azad edilmiş ərazilərə qayıtması kimi mövzular ətrafında geniş fikir mübadiləsi aparılıb.

 

İclasda Azərbaycan Respublikasının 15 dövlət qurumundan, habelə İnsan hüquqları üzrə Müvəkkilin Ofisindən nümayəndələr, Aİ tərəfindən isə Avropa Xarici Fəaliyyət Xidmətinin nümayəndələri ilə yanaşı, Avropa Komissiyasının Genişlənmə Danışıqları Baş Direktorluğu, Miqrasiya və Daxili işlər üzrə Baş Direktorluğu, Ədliyyə və İstehlakçılar üzrə Baş Direktorluğunun, Məşğulluq və sosial məsələlər Baş Direktorluğunun, eləcə də Aİ-nin Azərbaycandakı Nümayəndəliyinin əməkdaşları iştirak ediblər.

15 Avqust, 2022 / Mətbuat xidmətinin məlumatı Zabux sakini: Zabuxda tarixən məskunlaşmış bir nəfər də erməni olmayıb
13 Avqust, 2022 / Mətbuat xidmətinin məlumatı Laçına – Zabuxa, Susa qayıdış başlanacaq
10 Avqust, 2022 / Mətbuat xidmətinin məlumatı Ağalı sakini: “Doğma yurdun əvvəlki gözəlliyini bərpa edəcəyik”
08 Avqust, 2022 / Mətbuat xidmətinin məlumatı Məcburi köçkün qadınların məşğulluğuna dəstək verilir
04 Avqust, 2022 / Mətbuat xidmətinin məlumatı Ağalıya köçürüləcək əhalinin məşğulluğunun təmin edilməsi diqqət mərkəzindədir
03 Avqust, 2022 / Mətbuat xidmətinin məlumatı Dövlət Komitəsi məcburi köçkünlərin məşğulluğunu təmin edir
02 Avqust, 2022 / Mətbuat xidmətinin məlumatı Ağalı kənd sakini: “Çox sevincliyik”
01 Avqust, 2022 / Mətbuat xidmətinin məlumatı Dövlət Komitəsi məcburi köçkünlərin kvalifikasiyasının tanınması layihəsi çərçivəsində fəaliyyətlər həyata keçirir
29 İyul, 2022 / Mətbuat xidmətinin məlumatı Ağalı sakinləri bu torpaqlara yeni nəfəs gətirdi
27 İyul, 2022 / Mətbuat xidmətinin məlumatı Dövlət Komitəsi “Peşə öyrən, işsiz qalma” layihəsi çərçivəsində fəaliyyətlər həyata keçirir
26 İyul, 2022 / Mətbuat xidmətinin məlumatı TƏBİB və Qaçqınların və Məcburi Köçkünlərin İşləri üzrə Dövlət Komitəsi arasında memorandum imzalandı
25 İyul, 2022 / Mətbuat xidmətinin məlumatı Ağalı kəndinin 201 sakini doğma yurda qayıtdı
23 İyul, 2022 / Mətbuat xidmətinin məlumatı Ağalıya üçüncü köç karvanı yola salınıb
21 İyul, 2022 / Mətbuat xidmətinin məlumatı Ağalıya köçürülmə davam edir
19 İyul, 2022 / Mətbuat xidmətinin məlumatı Qayıdışın ayaq səsi – Qarabağa, Zəngəzura yayılsın!
08 İyul, 2022 / Mətbuat xidmətinin məlumatı Milli qəhrəman Şirin Mirzəyevə şeir ithaf olundu
06 İyul, 2022 / Mətbuat xidmətinin məlumatı Məcburi köçkünlər doğma yurda qayıdışla bağlı fikirlərini bölüşür
29 İyun, 2022 / Mətbuat xidmətinin məlumatı Məcburi köçkünlər doğma yurda qayıdışla bağlı fikirlərini bölüşür
23 İyun, 2022 / Mətbuat xidmətinin məlumatı Goranboyda məcburi köçkün qəsəbəsində selin törətdiyi fəsadların aradan qaldırılması üçün tədbirlər görülür
10 İyun, 2022 / Mətbuat xidmətinin məlumatı Xanəndə Ehtiram Hüseynov Laçında...