"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 653
Dövlət Komitəsinin sədri Beynəlxalq Qızıl Xaç Komitəsinin (BQXK) Azərbaycandakı nümayəndəliyinin rəhbəri ilə görüşüb
Görüşlər 22 Dekabr, 2020

Dekabrın 22-də Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev Beynəlxalq Qızıl Xaç Komitəsinin (BQXK) Azərbaycandakı nümayəndəliyinin  rəhbəri xanım Arian Baueri ilə görüşüb.

 

Dövlət Komitəsinin sədri qonaqlara Ermənistanın hərbi təxribatının qarşısını almaq üçün aparılan əks-həmlə əməliyyatı haqqında məlumat verib. Bildirib ki, bu əməliyyat nəticəsində Azərbaycan özünün ərazi bütövlüyünü bərpa edib. Münaqişənin dayandırılması azərbaycanlı məcburi köçkünlərin tarixən xalqımıza məxsus olan torpaqlara, oradakı ata-baba yurdlarına qayıtmasına şərait yaradır. Hazırda ölkə prezidentinin sərəncamlarına uyğun olaraq, işğaldan azad edilmiş ərazilərin minalardan təmizləməsi, yolların, kommunikasiya və kommunal xidmətlərin qurulması ilə əlaqədar işlər aparılır, daha sonra məcburi köçkünlərin öz torpaqlarına qaytarılması istiqamətində tədbirlər həyata keçiriləcəkdir.

 

Münaqişənin ilk illərində olduğu kimi, indi də məcburi köçkünlərin qayıdışı ilə əlaqədar keçirilən layihələrdə beynəlxalq təşkilatların, eləcə də BQXK-nın iştirakına ehtiyac vardır. Buna görə də əməkdaşlığı davam etdirmək, məcburi köçkünlərə psixoloji, mənəvi dəstək vermək üçün birgə fəaliyyət göstərmək vacibdir.

 

BQXK nümayəndələrinə bildirilib ki, məcburi köçkünlərin mənzil-məişət şəraitinin yaxşılaşdırılması, sosial müdafiəsinin gücləndirilməsi məqsədi ilə Prezident İlham Əliyev tərəfindən mühüm və təxirəsalınmaz tədbirlər həyata keçirilir. Dünyada koronavirus pandemiyası ilə əlaqədar  iqtisadi böhranın davam etdiyi dövrdə belə Azərbaycanda məcburi köçkünlərlə bağlı sosial layihələr ardıcıllıqla icra olunur. Birinci vitse-prezident xanım Mehriban Əliyeva bu kateqoriyadan olan vətəndaşlara xüsusi qayğı göstərir, onların problemlərinin həllinə daim diqqət yetirir.

 

Söhbət zamanı BQXK-nın ölkəmizdə həyata keçirdiyi layihələrin əhəmiyyəti vurğulanıb. Qeyd olunub ki, 2019-cu ildə Tərtər rayonunun inzibati vahidi olan Şıxarx qəsəbəsində, 2020-ci ildə  Ağdam rayonunun Quzanlı qəsəbəsində ilk yardım üzrə lazımi avadanlıq və materiallarla təmin edilmiş təlimlər keçirilib.  Təlimlərə yerli sakinlər və məcburi köçkünlər cəlb ediliblər.

 

BQXK-nın Azərbaycandakı nümayəndəliyinin rəhbəri xanım Arian Baueri təşkilatın çoxşaxəli fəaliyyəti haqqında ətraflı məlumat verib. Qeyd olunub ki, BQXK son dövrlərdə öz fəaliyyətini genişləndirib, işə yeni əməkdaşlar cəlb edilib. 

 

Görüşdə Dövlət Komitəsi ilə BQXK arasında əməkdaşlığın daha da genişləndirilməsi imkanlarına toxunulub, qaşılıqlı maraq doğuran məsələlər müzakirə olunub.

14 Aprel, 2021 / Görüşlər Dövlət Komitəsində Ukraynanın Baş nazirinin müavini ilə görüş keçirilib
12 Aprel, 2021 / Görüşlər Dövlət Komitəsində Türkiyənin ölkəmizdəki səfiri ilə görüş olub
13 Mart, 2021 / Görüşlər Dövlət Komitəsində Avropa İttifaqının Cənubi Qafqaz üzrə xüsusi nümayəndəsi ilə görüş olub
05 Mart, 2021 / Görüşlər Dövlət Komitəsində Böyük Britaniyanın səfiri ilə görüş keçirilib
15 Fevral, 2021 / Görüşlər Dövlət Komitəsində Almaniyanın Azərbaycandakı səfiri ilə görüş keçirilib
05 Fevral, 2021 / Görüşlər Məcburi köçkünlərin qayıdışı ilə bağlı məsələlər müzakirə edilib
22 Yanvar, 2021 / Görüşlər Dövlət Komitəsində BMqT nümayəndəsi ilə görüş keçirilib
12 Yanvar, 2021 / Görüşlər Dövlət Komitəsində Kəlbəcər rayonunun Ağdaban və Çayqovuşan kəndlərinin bir qrup sakini ilə görüş keçirilib
06 Yanvar, 2021 / Görüşlər Qarabağ Dirçəliş Fondunun Müşahidə Şurasının ilk iclası keçirilib
18 Dekabr, 2020 / Görüşlər Dövlət Komitəsində Koreyanın Azərbaycandakı səfirliyinin nümayəndələri ilə görüş keçirilib
26 Noyabr, 2020 / Görüşlər Koreya səfirliyi məcburi köçkünlərə dəstək tədbirlərini gələcək illərdə daha da genişləndirəcək
17 Noyabr, 2020 / Görüşlər Dövlət Komitəsində Avropa Komissiyasının eksperti ilə onlayn görüş keçirilib
13 Noyabr, 2020 / Görüşlər Dövlət Komitəsində məcburi köçkünlərin bir qrupu ilə görüş keçirilib
12 Noyabr, 2020 / Görüşlər Dövlət Komitəsinin sədri Fransa Respublikasının ölkəmizdəki səfiri ilə görüşüb
30 Oktyabr, 2020 / Görüşlər Müharibədən əziyyət çəkən məcburi köçkün ailələrinə yardım ediləcək
09 Oktyabr, 2020 / Görüşlər Dövlət Komitəsinin sədri BMT nümayəndəsi ilə humanitar məsələləri müzakirə edib
05 Oktyabr, 2020 / Görüşlər Yaponiyanın ölkəmizdə yeni təyin olunmuş səfirinə Ermənistanın təxribatı haqqında məlumat verilib
22 Sentyabr, 2020 / Görüşlər Dövlət Komitəsinin sədri növbəti videoqəbul keçirib
21 Sentyabr, 2020 / Görüşlər Dövlət Komitəsinin sədri BQXK-nın Azərbaycandakı nümayəndəliyinin yeni təyin olunmuş rəhbərini qəbul edib
15 Sentyabr, 2020 / Görüşlər Dövlət Komitəsinin sədri videoqəbul keçirib