"... İşğal olunmuş bütün rayonlardan didərgin düşmüş, indi qaçqın vəziyyətində, köçkün vəziyyətində yaşayan vətəndaşların problemləri bizim üçün və şəxsən mənim üçün bir nömrəli problemdir".
XƏBƏRLƏR
Çap et 94
Məcburi köçkünlərlə diaspor nümayəndələrinin videogörüşü keçirilib
Tədbirlər 23 İyun, 2020

Azərbaycan Respublikasının Diasporla İş üzrə Dövlət Komitəsi və Qaçqınların və Məcburi Köçkünlərin İşləri üzrə Dövlət Komitəsinin birgə təşkilatçılığı əsasında məcburi köçkünlərin və diaspor  üzvlərinin iştirakı ilə sosial şəbəkələrdə canlı yayımlanan 20 İyun - Ümumdünya Qaçqınlar Gününə həsr olunmuş videokonfrans təşkil edilib.

 

Diasporla İş üzrə Dövlət Komitəsinin Beynəlxalq əlaqələr və protokol şöbəsinin müdiri, Qaçqınların və Məcburi Köçkünlərin İşləri üzrə Dövlət Komitəsinin Mətbuat Xidmətinin əməkdaşı və Azərbaycan Diaspor Gənclərinin Çində yaşayan, əslən Cəbrayıl rayonundan olan koordinatoru giriş sözləri ilə tədbiri açıblar.

 

Daha sonra işğal altında olan 10 müxtəlif regiondan olan 10 nəfər məcbur köçkün Azərbaycanda qaçqınlıq və məcburi köçkünlük problemini yaradan səbəbin – Ermənistanın hərbi təcavüzünün və işğalçılıq siyasətinin aradan qaldırılması üçün milli birliyin və həmrəyliyin vacibliyini bir daha təsdiq edərək, Prezident İlham Əliyevin ölkəmizin ərazi bütövlüyünün bərpası istiqamətindəki ardıcıl və məqsədyönlü fəaliyyətini dəstəklədiklərini bildiriblər. Videokonfransda iştirak edən məcburi köçkünlər münaqişənin ilk illərində yaşanan çətin və ağrılı vəziyyət, eyni zamanda sosial problemlərinin həlli istiqamətində dövlət və Qaçqınların və Məcburi Köçkünlərin İşləri üzrə Dövlət Komitəsinin tərəfindən həyata keçirilən ardıcıl tədbirlər haqqında məlumat veriblər.

 

Ağır şəraitdə, həyat üçün təhlükəli yerlərdə müvəqqəti məskunlaşmış məcburi köçkünlərin yeni mənzillərə birinci növbədə köçürülməsi barədə Birinci vitse-prezident xanım Mehriban Əliyevanın tapşırığını diqqətə çatdırıblar və hər iki komitəyə bu görüşə görə təşəkkür ediblər.

 

Videokonfrans iştirakçıları xaricdə yaşayan soydaşlarımızın və məcburi köçkünlərin bu sahədə birgə fəaliyyətinin əhəmiyyətindən danışıb, konkret layihələr ətrafında müzakirələr aparıblar. Daha sonra, Azərbaycan diasporunun ABŞ, Hollandiya və Nigeriyadan olan üzvləri bu həqiqətlərin çatdırılması istiqamətində həm özlərinin, həm də Diasporla İş üzrə Dövlət Komitəsinin həyata keçirdiyi fəaliyyətlər barədə danışıb və hər iki komitəyə bu cür görüşləri təşkil etdiyinə görə təşəkkür ediblər.

 

Azərbaycan Respublikası Diasporla İş üzrə Dövlət Komitəsinin təmsilçisi Azərbaycan torpaqlarının ermənistan tərəfindən işğalı və Xocalı soyqrımı ilə bağlı həqiqətlərin dünyada yayılması üçün Dövlət Komitəsinin, Azərbaycan diaspor təşkilatlarının və fəallarının gördüyü işlər və son iki ildə hər il dünyada keçirilən 100-lərlə tədbirləri, digər xalqların diasporlarının bu məsələyə həssaslığının artırılması, xarici qonaqların və jurnalistlərin Azərbaycana səfərlərinin təşkili və məcburi köçkünlərlə görüşlərinin təşkili, xaricilərlə rəsmi görüşlərdə bu məsələnin qaldırılması, Avropada keçirilən “Qarabağ mitinqləri” barədə ətraflı məlumat verib.

 

Diaspor ilə məcburi köçkünlər arasında əlaqələrin daha da gücləndirilməsi və birgə fəaliyyətin artırılması üçün gələcəkdə bir sıra tədbirlərin o cümlədən bu cür görüşlərin keçirilməsi də qeyd edilib.

25 İyun, 2020 / Tədbirlər Silahlı Qüvvələr Günü münasibəti ilə “Əsgərə salam”
11 İyun, 2020 / Tədbirlər Səfirlərin ailə üzvləri köçkünlər qəsəbəsində
02 İyun, 2020 / Tədbirlər “Qobu park 3” yaşayış kompleksinə köçürülmə başlanılır
18 May, 2020 / Tədbirlər Qobu Park yaşayış kompleksini içməli su ilə təmin etmək üçün yeni magistral kəmər çəkilib
09 May, 2020 / Tədbirlər Dövlət Komitəsinin sədri “Şuşa Azərbaycanın tarixi mədəniyyət mərkəzidir” mövzusunda keçirilən videokonfrasda iştirak edib
30 Aprel, 2020 / Tədbirlər Məcburi köçkünlər üçün "Eyvana çıx" layihəsi çərçivəsində canlı muğam konsert proqramı təşkil edilib
15 Aprel, 2020 / Tədbirlər Dövlət Komitəsi və “Azərişıq” ASC birlikdə yardım aksiyası həyata keçiriblər
29 Mart, 2020 / Tədbirlər Məcburi köçkünlərin müvəqqəti məskunlaşma yerləri dezinfeksiya olunur
18 Mart, 2020 / Tədbirlər Məcburi köçkün ailələrə bayram sovqatı paylanılıb
11 Mart, 2020 / Tədbirlər Dövlət Komitəsinin nümayəndəsi Brüsseldə keçirilən tədbirdə iştirak edib
07 Mart, 2020 / Tədbirlər Şəkidə məcburi köçkünlər üçün sağlamlıq aksiyası keçirilib
04 Mart, 2020 / Tədbirlər Turnirin ən yaxşıları və müsabiqənin qalibləri mükafatlandırılıblar
26 Fevral, 2020 / Tədbirlər Xocalı soyqırımı qurbanlarının “Qobu Park”da işıqlı xatirəsi…
25 Fevral, 2020 / Tədbirlər Məcburi köçkünlər “Xocalı - bu olub” tamaşasına baxıblar
24 Fevral, 2020 / Tədbirlər “Əsgərə salam” futzal turniri başa çatdı
21 Fevral, 2020 / Tədbirlər Xocalı soyqırımının 28-ci ildönümünə həsr olunmuş anım tədbiri keçirilib
18 Fevral, 2020 / Tədbirlər “Əsgərə salam” futzal turnirində finalçılar məlum olub
17 Fevral, 2020 / Tədbirlər Qaradağlı faciəsinin 28-ci ildönümü qeyd edilib
17 Fevral, 2020 / Tədbirlər Kürdəxanıda məcburi köçkünlərə pulsuz hüquqi yardım göstərilib
11 Fevral, 2020 / Tədbirlər Kürdəxanı qəsəbəsində məcburi köçkünlərə hüquqi yardım xidmətləri göstəriləcək